ನಿನ್ನ ಮರೆಯೋ ಮಾತು
ಮರೆತುಬಿಡು ನೀನು
ನನ್ನೊಳಗೆ ನೀನು ಬೆರೆತಿರುವಾಗ
ಬೆರೆತಿರುವಾಗ ನಿನ್ನೊಳಗೆ ನಾನು
ಮರೆಯಲಿ ಹೆಂಗೆ ನಿನ್ನ
ಕೆಂದುಟಿಯ ಕಿರುನಗೆಯನ್ನ
ನಿನ್ನೆಡೆಗೆ ಕೂಗಿ ಕರೆವ
ಮುಂಗುರುಳು ಏನೋ ಚೆನ್ನ
ಮನಸೆಂಬ ಮಸಣದಲಿ
ಕನಸುಗಳ ಮಾರಣ ಹೋಮ
ತುಂಬಿರಲು ನಿನ್ನುಸಿರು ಕಣಕಣದಲಿ
ಈ ಪ್ರೀತಿಗೆ ಹೇಗೆ ವಿರಾಮ
ನೀ ಮರೆಯಾದ ಮನದಲ್ಲೀಗ
ಸೋನೆ ಮಳೆ ನಂತರದ ಮೌನ
ಮರೆಯಲಿ ಹೆಂಗೆ ನಿನ್ನ
ಓ! ನನ್ನ ಚಿನ್ನ
ಮರೆಯಲಿ ಉಸಿರಾಡಲು ನಾ
ನಿನ್ನ ಹೆಸರ ಮರೆಯುವ ಮುನ್ನ||