ಮುಂಜಾನೆ ಕನಸಿನಲ್ಲಿ ಕಾಡಿಹೋದ
ಮನಸಿನ ಗಾಯ ಹಸಿರು
ನಾ ನಿನ್ನ ನೆನಪಲ್ಲೇ ಕಳೆದುಹೋದೆ
ಒಮ್ಮೆ ಹೇಳಿ ಹೋಗು ಎನ್ನಾ ಹೆಸರು

ನಿನ್ನ ಪ್ರೀತಿಯ ಕಡಲಿಗಾಗಿ ಹಾತೊರೆಯುವ
ಅಲೆಮಾರಿ ದೋಣಿ ನಾನು
ಕಿರುನಗೆಯ ತಂಗಾಳಿ ಅಲೆಯ ಬೀಸಿ
ಮನಸಿನ ದಾರಿ ತೋರು

ಏಕಾಂತದಿ ನಿನ್ನ ನೆನೆದಾಗೆಲ್ಲಾ
ಮನದಲಿ ಆಸೆಗಳು ನೂರೊಂದು
ಸಾಕಿನ್ನು ಈ ಕಣ್ಣಾಮುಚ್ಚಾಲೆಯು
ನನಸು ಮಾಡು ನೀ ಬಂದು

ನಿನ್ನ ನಗೆಯ ಹಾವಳಿ
ಎನ್ನೆದೆಗೂ ಆಗಲಿ
ನಿನ್ನ ಕಣ್ಣ್ಮುಂದೆ ಅಲೆಯುವೆನು
ಬಳಿ ಎನ್ನೆಡೆಗೆ ಸೆಳೆಯುವೆನು

ನಿನ್ನ ಮನಸಲ್ಲೆ ನೆಲೆಸುವೆನು
ನಿನ್ನ ಕನಸನ್ನು ಕದಿಯುವೆನು

 

ಸೂ : ಜಯಂತ್ ಕಾಯ್ಕಿಣಿರವರ ಈ ಹಾಡಿಂದ ಪ್ರೇರೇಪಿತನಾಗಿ ಬರೆದದ್ದು